Një 50-vjeçar në Kamëz është vrarë për vdekje nga shoku i tij pas një konflikti mes tyre. 50-vjeçari Arben Kanina është gjetur i vdekur në banesën e tij, ndërsa policia bën me dije se e ka mbytur 46-vjeçari Artan Marku. Mësohet se ata janë konfliktuar për shkak të veprave të turpshme të viktimës me një 10-vjeçare.
Autori i krimit i ka thënë shokut të tij: “Po lëre se ajo është e vogël, nuk të vjen turp” dhe më pas kanë dalë nga lokali dhe kanë vijuar debatin jashtë. Pasi e ka vrarë, Marku ka lajmëruar pronarin e shtëpisë, ndërsa pas arrestimit ai është shprehur:
“Po është e vërtetë që Arbenin e vrava unë, e mbyta me duart e mia, por a e dini që kam vrarë një pedofil”.
Sipas grupit hetimor, viktima ka abuzuar me shumë të mitur të tjerë, mes tyre edhe djem, ndërsa banorët e zonës janë shprehur se e kanë parë të fuste në shtëpi vajza të vogla, me të cilat dyshohet se kryente veprime të turpshme.
