Një ngjarje e pazakontë ka ndodhur në Pallatin Mbretëror në Angli. Mediat britanike raportojnë se një 19-vjeçar u fut në pallat me një hark në dorë duke dashur të vrasë mbretëreshën.
Sipas mediave ngjarja ishte si një hakmarrje për masakrën e Amritsarit të vitit 1919.
Sot u publikuan edhe fotot e 19-vjeçarit, ndërsa babai i i të riut, Jasbir Singh Chail, i tha MailOnline se diçka kishte ‘shkuar tmerrësisht keq me djalin tonë dhe ne po përpiqemi të kuptojmë se çfarë ka ndodhur’.
“Ne nuk kemi pasur mundësinë të flasim me të, por po përpiqemi t’i ofrojmë ndihmën që i nevojitet. Nga këndvështrimi ynë, ne po kalojmë një kohë të vështirë. Ne po përpiqemi ta zgjidhim këtë çështje dhe nuk është e lehtë”, u shpreh 57-vjeçari.
Babai i Jasëant është një inxhinier softuerësh i kualifikuar, i cili drejton një kompani. Ndërsa djali i tij, i njohur për miqtë si Jas, thuhet se ka përdorur një filtër për të shtrembëruar zërin e tij dhe ka veshur një kapuç dhe maskë – një veshje që mendohet se është frymëzuar nga Star Wars.
Ai thotë: ‘Më vjen keq. Më vjen keq për atë që kam bërë dhe çfarë do të bëj. Do të tentoj të vras Elizabetën, Mbretëreshën e Familjes Mbretërore. Kjo është hakmarrje për ata që kanë vdekur në masakrën e Jallianëala Bagh të vitit 1919.
“Është gjithashtu hakmarrje për ata që janë vrarë, poshtëruar dhe diskriminuar për shkak të racës së tyre”, thotë i riu.
Krahas videos u dërgua edhe një mesazh në Snapchat ku thuhej: “Më vjen keq për të gjithë ata që u kam gabuar apo gënjyer.
“Nëse e keni marrë këtë, atëherë vdekja ime është afër. Ju lutemi shpërndajeni këtë me këdo dhe nëse është e mundur dërgojini lajmeve nëse janë të interesuar.”, thuhet në mesazh.
g.kosovari
