Deputetja e PD, Albana Vokshi ka folur për Bashën në fjalën e saj në foltoren me Lidhjen Demokratike të Gruas, duke thënë se “me një telefonatë si uzurpues”, donte të bënte cfarë të donte.
Ndër të tjera thotë se hodhi akuza të rënda, por askush nuk i c’bën dot gratë e vajzat demokrate që duan t’i bashkohen “foltores” së Berishës.
Vokshi: Nuk janë në kasafortë por janë këtu, kanë ardhur nga gjithë Shqipëria me dëshirën e madhe për t’ju takuar. Kemi dhe zonja që janë në këtë lidhje që ditën e parë dhe përulem me respekt ndaj jush. 10 mijë anëtare të reja vetëm në vitin e fundit.
Me vetëm një telefonatë Basha si uzurpues deshi ta ç’bëjë por ja ku jemi, të gjitha zonjat kanë përqafuar foltoren. Ai hodhi akuza shumë të rënda për lidhjen por ja salla nuk ju mban dot, akuza tjetër e rëndë ishte se ishim përfshirë në veprimtari antistatuore. Por ai nuk ju ç’bën dot, sepse keni trokitur derë më derë për një parti fituese.
/a.r
