Trajneri i Kombëstares franceze, Didier Deschamps, e ka pranuar se super-ylli i Real Madridit, Cristiano Ronaldo, rrallë herë mund të ndalet nga ekipet kundërshtare.
Ai ka thënë se nëse ekziston ndonjë plan kundër Ronaldos, atëherë askush s’e ka gjetur recetën për këtë, shkruan goal.com, përcjell Gazeta Express.
“Nëse ekziston ndonjë plan kundër Ronaldos, atëherë askush s’e ka gjetur recetën deri më tani,” tha ai.
“Ai [Ronaldo] është top lojtar. Ai ka atribute të mëdha atletike në ajër,” shtoi ai.
Portugalia dhe Franca do të ndeshen nesër në mbrëmje në finale të Kampionatit Evropian “Euro 2016”./a.m.
