Ministri i Transporteve Sokol Dervishaj inspektoi aksin rrugor Pukë- Tropojë, duke u ndalur në vendin e quajtur Qafa e Malit.
Ai deklaroi se të gjitha akset kombëtare janë të kalueshme dhe se janë marrë të gjitha masat për përballimin e situatës. Gjithsesi ai këshillon drejtuesit e mjeteve që të tregojnë kujdes dhe të respektojnë rregullat duke mos neglizhuar përdorimin e zinxhirëve.
“Nuk duhet të harrojmë se jemi në kushte dimri, dhe shoferët duhet të kenë kujdes në zona të caktuara. Qarkullimi ne disa zona duhet te jete me masat e duhura zinxhire dhe goma dimri. Jemi në gatishmëri maksimale bashke me institucione te tjera policine, emergjencat dhe bashkite. Në përfundim të situates do te bejme edhe nje vleresim si u be perballimi situates nga gjithe faktoret. Probleme ka pasur në rajon dhe në Europë”, u shpreh ai.
Në këtë inspektim ishte ministri Sokol Dervishaj së bashku me deputetin Pjerin Ndreu dhe Prefektin e qarkut./a.m.
