Ministri i Transportit, Sokol Dervishaj ka inspektuar nga afër punimet për impiantin e përpunimit të ujërave në zonën e Orikumit, një projekt që do të ndihmojë në përmirësimin e furnizimit me ujë të zonës, por edhe më gjerë.
Bëhet fjalë për një projekt të realizuar me një vlerë prej 15 milionë dollarë nga fondet e Bankës Islamike dhe qeverisë shqiptare. Impianti është vënë në punë, pavarësisht se jo me kapacitet të plotë gjatë verës që lamë pas.
Investimi, sipas ministrit Dervishi, i ka dhënë frytet gjatë kësaj vere me furnizimin me ujë për banorët e Orikumit, ndërsa qëllimi mbetet që gjithçka të përfundojë në një kohë sa më të shpejtë. Vazhdimësia e projektit të impiantit të ujërave pritet të përfshijë dhe zona të tjera, kryesisht fshatra të zonës, dhe do të jetë një ndihmëse e madhe për të gjithë Bashkinë e Vlorës.
