Më 16 janar të këtij viti, arti dhe kinematografia shqiptare humbën përgjithmonë një nga aktorët më të mirë. Xhevdet Ferri u nda nga jeta para kohe në moshën 59-vjeçare.
Lajmi i hidhur nuk preku vetëm familjen, miqtë dhe kolegët, por edhe të gjithë dashamirësit e artit. Të gjithë ata që e njohën nga afër, por edhe publiku u trishtua nga ky lajm dhe i shprehën ngushëllime familjes.
E teksa kanë kaluar dy javë nga vdekja e aktorit të mirënjohur, vajza e tij Bora ka vendosur që ta kujtojë babanë e ndjerë me një postim në profilin e saj në “Instagram”.
“Lamtumirat nuk janë përgjithmonë, lamtumirat nuk janë fundi. Ato thjesht kanë kuptimin se më mungon derisa të takohemi sërish. Më mungon papi”, ka shkruar e bija në “Instagram”.
g.kosovari
