Është 4 maji, afati i fundit për 40 deputetë, 9 ministra dhe 27 kryetarë bashkie që kanë sfiduar dekriminalizimin dhe nuk dorëzojnë në KQZ formularët e vetëdeklarimit.
Pak më parë, Komisioni Qendror i Zgjedhjeve ka bërë publike shifrat e zyrtarëve që kanë plotësuar dhe që nuk kanë plotësuar formularin e vetëdeklarimit, në zbatim të ligjit të dekriminalizimit.
KQZ nëpërmjet zëdhënëses, Drilona Hoxhaj, bëri me dije se janë 40 deputetët dhe 9 ministra që ende nuk kanë dorëzuar pranë këtij institucioni formularin e dekriminalizimit.
Afati përfundimtar i dorëzimit është data 4 maj, ndërsa janë edhe me qindra këshilltarë bashkiakë që ende nuk e kanë kryer detyrimin ligjor. Zëdhënësja e KQZ tha se janë 27 kryetarë bashkie dhe 361 këshilltarë bashkiakë që nuk kanë dorëzuar dokumentin e pastërtisë. (B.an)