Me kërkesë të Prokurorisë për Krime të Rënda, Gjykata ka vendosur masën e sigurisë “arrest me burg” për 5 persona, të dyshuar se kanë konsumuar elementët e veprës penale “Trafikim të personave të rritur”.
Këta persona dyshohet se krijonin kushtet që të lëviznin me dokumenta false nga Shqipëria drejt Shteteve të Bashkuara të Amerikës dhe Kanadasë persona të ndryshëm, kundrejt shumave që arrinin deri në 20 mijë euro për person.
Prokuroria ka nisur hetimin në Janar 2015, në bazë të materialit të referuar nga ana e Policisë së Shtetit. Në bazë të hetimeve proaktive, u arrit që të faktohej veprimtaria kriminale dhe arrestimi në flagrancë pak ditë më parë i shtetasve:
1. Bajram XHAJA, i datëlindjes 1957,
2. Kujtim EMIRI, i datëlindjes 1956,
3. Xhelil ALLA, i datëlindjes 1972
4. Sofije PEPAJ, e datëlindjes 1965
5. Mihal Gjoka, i datëlindjes 1959
Redaksia Online
(JavaNews.al)
