Deputeti demokrat Dashnor Sula protestoi të enjten e kaluar duke derdhur qumësht në shkallët e Kuvendit, në shenjë mbështetjeje për fermerët.
Në një lidhje “Skype” në emisionin “7pa5” në Vizion Plus, Sula shpjegoi aktin e tij, teksa shprehu keqardhje për situatën në të cilën ndodhet vendi.
“Unë shpreh keqardhje për situatën në të cilën ndodhemi. Shumica e të rinjve ndihen mjaft të zhgënjyer nga situata në Shqiëpri dhe kjo më bën të ndihem fajtor si pjesë e kësaj politike dhe shpesh vë në dyshim veten time pse duhet të jem pjesë e kësaj politike që poi shkakton Shqipërisë shumë dëm. Ndihem aq keq sa shpesh e mendoj që duhet të kemi reagime të forta qytetare, por edhe brendsa politikkës individë që duhet të kuptojnë. Këto zëra duhet të shtohen dhe të vazhdojmë te reagojmë sepse ky vend po shkon drejt një situate katastrofike”, tha deputeti.
Sula tregoi se e derdhi qumështin në shkallët e Kuvendit për të tërhequr vëmendjen, pasi fermerët kanë nëvojë për mbështetje.
“E kam bërë këtë lloj vepre për të tërhequr vëmendjen sepse e njoh mjaft mirë fshatin. Një pjesë e mirë e qytetarëve shqiptarë janë në fshat dhe janë më të persekutuar, më të vuajtur.
Qeveria nuk i konsideron fshatarët, fermerët, bujqit. Nuk i konsiderojnë shtresat në nevojë. Ka fjalë që thonë tek opozita që më thonë “ç’të duhet, mbylle gojën”. Atë ditë që vajta me qumështin më kapën e më thanë “po ti, të dënon Zoti për qumështin”, u shpreh Sula.
/a.r
