Presidenti i Partizanit, Gaz Demi, është treguar shumë i ashpër mbrëmë në intervistën e dhënë për RTSH gjatë transmetimit të “Rubrika Sportive”. Demi i ka quajtur rrugaçë drejtuesit e Tiranës, të cilët nuk zbatuan edhe traditën shqiptare të mikpritjes. Gjithsesi, ai nuk ndihet i dorëzuar nga incidentet e ndodhura dhe kërkon drejtësi.
Zoti Demi, çfarë mund të na thoni për dhunën që ndodhi pas derbit?
Situatë anormale, ku në plan të parë del një drejtor klubi i Tiranës rrugaç, i cili vetëm drejtor nuk mund të jetë. Ata janë të gjithë rrugaçë. Unë kam qenë i shkëputur kur ka ndodhur ngjarja. Por ka turp më të madh që administratorët e Tiranës janë disa rrugaçë. Rrugaçë janë ata të gjithë, duke filluar nga Daja, drejtori e të tjerë si nipi i presidentit.
Çfarë po tregon ai, forcë?
Si presidenti më i ri se të tjerët në Superiore ndihem i zhgënjyer me këto veprime rrugaçësh. Turp më të madh nuk ka! Nuk e di çfarë t’ju them më shumë.
Zhgënjim çfarë do të thotë, si përkthehet, është i përshkallëzuar apo çfarë?
Ky është turp!
Ju çfarë kërkoni?
Unë kërkoj drejtësi. E ka shteti në dorë atë punë. Drejtësia i ka të gjitha të dukshme, me pamje filmike. Do të bëjmë denoncimet dhe do të vazhdojmë në rrugë ligjore. Se ata rrugaçë që janë atje nuk mund të dalin nga shtëpia në lidhje me personin tim. Ata janë rrugaçë. Kanë shkelur edhe mikpritjen e shqiptarit. Ne kemi qenë të ftuar në shtëpinë e tyre. Unë e kuptoj tifozërinë me të sharat e tyre, por këtë që bënë ata në fund s’e kuptoj dot.
Madje, nuk e di se a ka shqiptarë që ta kuptojë këtë?
Personalisht jam biznesmen dhe të gjithë më njohin, nuk jam trembur ndonjëherë dhe e kam çarë vetë rrugën e historisë. Por ky është një turp i madh, madje turp edhe për Shqipërinë! Më vjen keq!
Përveç denoncimit të mundshëm në polici, do të kërkoni reagim edhe nga federata?
Patjetër që do të bëjmë denoncim për ata që kanë qenë atje. Unë e kam me rendin publik, jo me ata rrugaçë e legenë. Federata po nuk pati veshë e sy, do të kem kohë të merrem edhe me ata. Kam nja tre vjet që jam i brendshëm. Unë dua të shoh se çfarë po funksionon këtu. Ashtu siç kanë funksionuar bizneset e mia, dua që të funksionojë edhe ky biznes. Federata e shikon vetë dhe duhet të bëjë të gjitha sipas rregullave.
Zoti Demi, jeni dorëzuar me këto incidente që ndodhën?
Kush i dorëzuar…?
Duket se sikur nuk ka vetëm futboll, por edhe gjëra të tjera?
Zoti Demi, njihet që nuk dorëzohet asnjëherë. Kam kaluar shumë male e gërxhe, pasi kam 26 vite që jam biznesmen. E njoh mirë Shqipërinë, më mirë se shumë të tjerë. Me këtë rrugaçëri nuk dorëzohem asnjëherë. Më vjen shumë keq që ndodhin këto incidente ordinere, por s’mund të prishin imazhin e vendit tonë disa rrugaçë të stafit të Tiranës. Panorama Sport/ Javanews/ a.k
