Milani dhe Interi me kampionatin tashmë të mbyllur, kanë nisur punën për të përforcuar skuadrën, për sezonin e ardhshëm.
Skuadrat e Milanos kanë kthyer sytë nga PSV-ja dhe nga sulmuesi holandez, Steven Berguin.
Siç raporton “Sky Sport UK”, skuadra holandeze kërkon 40 milionë euro për 22-vjeçarin i cili militon në kampionatin holandez.
Në garë duket se është futur dhe Totenhemi, e cila me finalen e Ligës së Kampionëve që ka arritur, tashmë është bërë me “krahë”.
Berguin luan kudo në sulm, por pozicioni i tij natyral është krahu i majtë. Në 41 ndeshjet në të gjitha kompeticionet, në të cilat ka luajtur, holandezi ka shënuar 15 gola dhe ka dhuruar 13 asist.
g.kosovari
