Klodian Duro derbin e ka përjetuar nga të dy kampet, në karrierën e tij të pasur sportuve si futbollist ka luajtur me Partizanin dhe Tiranën duke u bërë madje dhe mollë sherri në merkato mes tyre. Ka qenë gjithmonë faktor vendimtar në fushë si për sukseset e të kuqve dhe ashtu për ato bardgheblu. sot ka veshur kostumin e trajnerit dhe drejton Kukësin, por sic konfirmon vetë ish mesfushori i Kombëtares Kuqezi zemra ka mbetur bardheblu, pasi me Tiranën ka luajtur dhe e ka ndier më shumë. Duro në derbi bën tifo për 24 herë kampionërt,.
“Është një derbi që e presim me padurim si gjithmonë jo vetëm kur luaja futboll por edhe tani jam tifoz i Tiranës dhe shpresoj të dali me sukses në derbi”.
Në gjykimin e Duros që tani i ka parë të dyja skuadrat e kryeqytetit edhe në pozicionin e trajnerit të Kukësit si kundërshtarë në fushë, për bardheblutë kjo mund të jetë hera e duhur për të dalë fitimtarë në derbi.
“Mendoj, madje jam i bindur se Tirana këtë herë do bëjë një ndeshje shumë të mirë dhe i ka të gjitha mundësitë për të triumfuar në derbi.”
Duket paksa kontradiktore pasi Tirana është njëkohësisht dhe rivalja kryesore e Kukësit për vendin e tretë, por besimi i Duros se mund të arrijë kualifikimin në Europë është aq i fortë sa lejon që këtë herë të urojë edhe një fitore te 24 herë kampionëve.
“Them që Tirana të fitojë derbin, por pastaj ka dhe shumë ndeshje të tjera. Për Kukësin jam i sigurt se mund të arrijë kualifikimin në Europë përmes kampionatit duke e perfunduar në vendin e tretë”.
Misioni nuk është i lehtë dhe Duro këtë e di mirë. Tani kërkon që loja e bukkur e skuadrës së tij të përkthehet dhe në rezultate, dhe për të arritur vendin e tretë , jo vetëm përballja e kësaj jave me Vllazninë por të gjitha ndeshjet janë si një finale.
