Tirana dhe Partizani përballen në derbin e kryeqytetit, në orën 19.00, takim ky në kuadër të kampionatit. Pak më parë janë publikuar edhe formacionet zyrtare, me të dy trajnerët që kanë vendosur për titullarët.
Sa i takon formës së skuadrave, të kuqtë vijnë në këtë sfidë pas barazimit me Dinamon. Në krahun tjetër, bardheblutë duan të lënë pas humbjen me Erzenin.
Trajneri Jul Ahmataj i ka besuar prapavijën katërshes Përgjoni, Hoxhallori, Najdovski, Doka. Mbrojtje interesante edhe ajo e formuar nga Abilaliaj, ku nuk mungon Atanaskoski. Mesfusha është e pasur në të dyja anët, por vlen të theksohet ofensiva, ku kemi duel në distancë Bintsouka-Hasani.
Partizani renditet në vendin e dytë me 28 pikë. Tirana renditet në pozitën e 3-të me 21 pikë.
FORMACIONET ZYRTARE:
Tirana: Abdullahu, Përgjoni, Hoxhallari, Najdovski, Doka, Lushkja, Deliu, Meta, Abazaj, Hasani, Latifi. Trajner: Julian Ahmataj
Partizani: Qirko, Atanaskoski, Sembene, Murataj, Hadroj, Maguette, Mehmeti, Taipi, Rrapaj, Cara, Bintsouka. Trajner: Arbër Abilaliaj.
/a.d
