Tirana dhe Partizani zbresin sërish në fushën e “Qemal Stafës” për të luajtur 27 minutat e mbetura të derbit që u ndërpre mbrëmë pas ndërprerjes së energjisë elektrike në stadium.
Edhe pse në një ditë pune dhe orar të papërshtatshëm, tifozët i kanë mbushur sërish tribunat, me shpresën se ekipet do dhurojnë një surprizë të bukur sikurse Kombëtarja kundër Maqedonisë më 6 shtator në Shkodër.
Partizani e nis me një ndryshim: Idriz Batha nuk ia del pas një goditjeje në kavilje të pësuar dje, dhe vendin e tij e merr Jurgen Batha. Vila do të zhvendoset në qendër, me Bardhin në të djathtë dhe Trashin në të majtë.
Minutë pas minute
67′ Të kuqtë e kanë zhvendosur lojën në gjysmëfushën bardheblu dhe rreziku i parë serioz vjen nga Bardhi, mirëpo mesfushori gjuan jashtë pas një pasimi të marrë në zonë nga Vila.
66′ Trashi hedh një top në zonë nga goditja e lirë, por Lika e zgjidh me qetësi duke shmangur rrezikun që mund të vinte nga Bardhi.
63′ “Pjesa e tretë” nis me një rivënie fundore për Partizanin.
Tirana 0 – 0 Partizani
Tirana: Lika, Hoxhallari, Muça, Teqja, Kërçiku, Karabeci, Reuben, Moise, Merveile, Taku, Cise.
Trajner: Mirel Josa
Partizani: Hoxha, Kalari, Atanda, Krasniqi, Ibrahimi, Ramadani, Trashi, Batha (Bardhi 63′), Torasa, Vila, Ekuban.
Trajner: Sulejman Starova
Gjyqtar: Lorenc Jemini
KV: Teqja
