Duhet qëndrueshmëri politike dhe shumicë e qëndrueshme në parlament, për të përshpejtuar procesin e integrimit të Malit të Zi në BE. Kështu u shpreh deputetja shqiptare që fitoi në zgjedhjet parlamentare të së dielës në Mal të Zi, Drita Llolla, në studion e Ditarit në A2 CNN. Ajo garoi nën siglën e PDS-së partisë së ish-kryeministrit dhe ish-presidentit Milo Gjukanoviç, e cila doli forcë e dytë në këto zgjedhje, duke kandiduar me një skuadër të re pas vitit të tretë në opozitë.
“Rezultati i mirë duke pasur parasysh që është viti i tretë në opozitë dhe projeksionet e kundërshtarëve tanë ishin që PDS do të binte në 10%, por ne ishim të sigurt te funksionaliteti i strukturës sonë dhe ishte rezultat i kënaqshëm pavarësisht se kemi dalë forcë e dytë. PDS doli me skuadër të re ishte fushata e parë në këtë format dhe rezultat relativisht i mirë. PDS ka në fokus politikën euroatlantike dhe dihet se çfarë politikash e ligjesh do të mbështesim në parlament. Ajo që është e rëndësishme është që për të realizuar anëtarësimin e në BE na duhet qëndrueshmëri poltike dhe shumicë e qëndrueshme në parlament për të përshpejtuar procesin e vendimmarrjes dhe zbatimin e reformave, sipas metodologjisë së rishikuar. Ajo që përsëris dihet se cili është pozicioni dhe programi politik parazgjedhor dhe i partisë i PDS. Jemi qendër majtas, do të mbështesim ato ligje që përputhen me qëllimet tona, por duke mos dalë nga kursi euroatlantik i Malit të Zi”.
“Sipas ligjit në Mal të Zi mandatuesi vjen nga partia që ka shumicën, Spajiç do ketë rastin që të bëjë biseda me partnerë që identifikon të pranueshëm për programin e tij dhe do të shohim në kuptimin e ndarjes së mandateve. Ne kemi një skenë të ndryshuar pas këtyre zgjedhjeve. Partia boshnjake ka marrë 6 mandate, partitë shqiptare 3 mandate dhe kroatët një mandat dhe do të shohim se kush tjetër përveç pakicave do të ishte partner potencial për Spajiç. Do t’ia lëmë kohës. Një praktikë në Mal të Zi është që pakicat nuk përjashtohen nga bisedat. Shqiptarët, boshnjakët dhe kroatët kanë mbështetur politikën e PDS. Edhe lëvizja “Europa Tani” ka në fokus orientimin euroatlantik të Malit të Zi dhe reformat ekonomike dhe të tjera që e çojnë vendin drejt BE-së”.
“Spajiç ishte në fokusin e mediave për shkak të lidhjeve të dyshuara tij mes tij dhe një kriptoking me precendet penal, ishte në kërkim dhe ishte nga Koreja. Spajiç ka vokuar për valutat digjitale që kur u bë ministër i Financave dhe kjo dha një vello dyshimi mbi figurën e tij para zgjedhjeve. Prokuroria ka marrë të gjithë materialet dhe do ta ndjekë këtë me vëmendje. Është e rëndësishme edhe për qytetarët e Malit të Zi që të kenë një ide të qartë se çfarë po ndodh nëse janë vetëm dyshime apo instrumentalizim para zgjedhjeve, apo ka të vërteta”.
/f.stafa
