Deputetja e Partisë Demokratike, Sorina Koti deklaroi se mbledhja e organizuar dy ditë më parë nga kolegë të saj, nuk rikonfirmoi Enkelejd Alibeajn në krye të Grupit Parlamentar.
Në një intervistë për ‘Euronews Albania”, Koti u shpreh se në mbledhje ka pasur më pak 28 deputetë.
“Personalisht, si nënkryetare e Komisionit të Ekonomisë dhe pjesë e Grupit Parlamentar, nuk jam thirrur për një mbledhje të Grupit Parlamentar për të rikonfirmuar kryetarin tonë të grupit.
Mbedhja që është kryer pardje, ose darka e punës midis kolegëve nuk mund të quhet një mbledhje e cila ka zyrtarizuar ose ka konfirmuar zotin Alibeaj në krye të Grupit Parlamentar.
Në dijeninë time nuk kanë qenë aq kolegë që kanë shkuar në mbledhjen e zotit Alibeaj, madje një pjesë e tyre nuk kanë pasur fare informacion, që emri i tyre ka dalë në media, sikur kishin rikonfirmuar Alibeajn”, theksoi ajo./m.j
