Policia e Kosovës ka arrestuar edhe deputeten e dytë të Lëvizjes Vetëvendosje.
Siç raporton KTV, edhe deputetja Aida Dërguti është arrestuar nga Policia e Kosovës. Nga burime brenda Policisë, mësohet se dy deputetet janë arrestuar për shkak se iu është gjetur sprej lotsjellës.
Ndryshe nga arrestimi i Donika Kadaj Bujupi, e cila u shoqërua nga policia nga holli i Kuvendit, Dërguti është arrestuar në tualet të Kuvendit.
Edhe Lëvizja Vetëvendosje ka konfirmuar arrestimin e Dërgutit. “Policia ka arrestuar edhe nënkryetaren e Kuvendit të Kosovës, Aida Dërguti.
Derisa jashtë janë qytetarët duke këmbëngulur që marrëveshja për demarkacionin mos të bëhet” thuhet ne deklaratën e VV, që citohet Koha. (b.an)
