Deputeti shqiptar në Suedi, Adnan Dibrani është takuar në Podgoricë me foshnjën që shpëtoi tre muaj më parë nga Moraça e ftohtë. Sipas mediave të huaja, Dibrani gjatë gjithë kohës ka qenë në kontakt me familjen e djalit pesëmuajsh, të cilin e quan “mik i vogël nga Mali i Zi”.
Ai thotë se djali qeshte gjatë gjithë kohës dhe madje se prindërit mendojnë se ai e njeh zërin e tij.
“Ai është krejtësisht i shëndetshëm dhe i gëzuar, ai donte të shihte gjithçka dhe të lëvizte lirshëm. Qeshte gjatë gjithë kohës. Ishte fantastike ta shihja përsëri“, tha deputeti suedez për Goteborgs Posten.
Më 20 mars të këtij viti, deputeti suedez shpëtoi një foshnjë nga Moraça. Ministri i Punëve të Brendshme, Filip Axhiç, në emër të qytetarëve dhe Qeverisë së Malit të Zi, i shprehu mirënjohjen./m.j
