Deputeti i PD-së, Gent Strazimiri përmes një statusi në Facebook në mënyrë ironike u ka bërë ftesë të veçantë amerikanëve që jetojnë në vendin tonë për të marrë nesër pjesë në protestën e opozitës në orën 12:00.
Ai iu drejtohet miqve amerikanë që të jenë bashkë me opozitën në këtë marshim për ëndrrën pro amerikanë të shqiptarëve. Nesër në orën 12:00 opozita ka paralajmëruar protestën para Kryeministrisë.
Statusi i Gent Strazimirit
FTESË NGA ZEMRA MIQVE AMERIKANË NË SHQIPËRI!
MIRËSEVINI nesër në orën 12.00 në Bulevardin “DËSHMORËT E KOMBIT!
BASHKOHUNI me pjesën më PROAMERIKANE, të kombit më PROAMERIKAN në glob, që nesër manifeston në emër të VLERAVE më fisnike të qytetërimit, VLERAT DHE ËNDRRËN AMERIKANE!
MOS MUNGO MIK!
