Deputeti Përparim Spahiu ka vendosur të hedh kandidaturën e tij për kreun e LSI. Lajmi është bërë i ditur Spahiu, në rrjetin social ‘Twitter’.
“Vendosja sot, të kandidoj për kryetar të LSI-së. Nuk mund të vazhdojmë më kështu, shumë gjëra duhet ti ndryshojmë në bashkëqeverisjen..!!!”, citohet në mesazhin e Spahiut, duke lënë të nënkuptuar se diçka nuk shkon me koalicionin LSI-PS. Zgjedhjet për kreun e LSI do të mbahen më 6 nëntor.
Deri më tani për këtë post kanë shpallur kandidaturën, kreu aktual i LSI-së Ilir Meta, si dhe akademiku Shezai Rrokaj.
Ndërkohë është e paqartë nëse dy kandidatët për postin e kreut të LSI-së do të dalin bashkë në fushatë para anëtarësisë apo veçmas. Shumica e LSI-së ka shprehur qëndrimin e saj hapur pro kreut aktual, Meta. Ndërkohë, fill pasi u shpall kandidatura e tij Rrokaj deklaroi se kishte një platformë të qartë politike. Ai tha se synon të krijojë një parti më të hapur për bazën.
“Do të shkojmë përpara, dhe anëtarësia do të vendosë kush do të drejtojë. Platforma tani është në fazën e parë, dhe ka elementët kryesorë. Në momentet e para, platforma ndalet në postulatet kryesore. Partitë tona kanë nevojë të jenë më pak agresive. Shqiptarët kanë probleme më të mëdha. Ndaj zbutja e toneve dhe e konfliktit politik do të jetë një nga drejtimet e mia. Synoj që partia të zbutet nga militantizmi dhe të bëhet më qytetare. Të hapët ndaj shoqërisë dhe të rinjve, si dhe të dëgjojë zërin e intelektualëve. Tashmë baza shihet vetëm për periudhat zgjedhore, rëndom, por unë jam një model ndryshe. në kam drejtuar edhe në pozicione të tjera, edhe politike, edhe akademike. Bësoj se një frymë e tillë vetëm mirë i bën LSI-së”, u shpreh Rrokaj.
ma.me
