Deputeti i LDK-së, Agim Kikaj, ka thënë se ata nuk i frikohen zgjedhjeve të reja. Por, Kikaj ka shprehur bindjen se ata që prishin marrëveshjen humbin besimin politik. Kikaj ka thënë se nëse PDK-ja e sheh në të mirë të vendit që të shkohet në zgjedhje le ta bëjë. Por i ka cilësuar si të papranueshme, ato që i ka quajtur zërat anësorë, që flasin për mungesë vendimmarrje.
“Për çfarë mungese vendimmarrje po flet zoti Veseli. Kush e ka penguar atë të marrë vendime. Është mendim i imi personal se ky i kësaj legjislature është ndoshta menaxhimi më i dobët që e ka pasur Kuvendi ndonjëherë. Prej hedhjes së veve, gazit e të gjitha aspekteve të tjera jemi dëshmitarë të dështimit në menaxhim të Kuvendit”, ka thënë Kikaj.
“I ka dhënë hapësirë më shumë se sa që duhet dhe me këtë ka trimëruar opozitën për veprimet e tyre dhe për të sjellë situata të paprecedentë në Kuvend”, ka shtuar ai. Sipas Kikajt, rrethanat në të cilat ka punuar kjo qeveri absolutisht kanë qenë jonormale, përgatiti Koha. (b.an)
