Deputeti i Partisë Demokratike, Tritan Shehu ka deklaruar se Partia e Lirisë, e cila drejtohet nga Ilir Meta, nuk do të jetë në koalicion me partitë e tjera opozitare ku do të futen edhe kandidatët e Rithemelimit për kryetarë bashkish.
Ai u shpreh gjatë një interviste në “A2” se PL do të mbështesë kanidatët e opozitës, por Meta nuk mund të jetë në koalicion sepse kanë dalë me lista për këshilltarë bashkiakë dhe jo për kryebashkiakë dhe në këtë mënyrë ligji nuk e lejon.
Ata nuk kanë dalë me lista për kryebashkiakë. Por kanë dalë me lista të veçanta për këshilltarë. Në bazë të ligjit Meta nuk mund të jetë pjesë e këtij koalicioni”, u shpreh Shehu.
Dy ditë më parë Meta tha se me logon e partisë së tij do të regjistrojë të gjithë kandidatët e dalë nga procesi i Primareve, duke iu referuar marrëveshjes së firmosur pak javë më parë me Sali Berishën./m.j
