Partia Demokratike do të përgatisë një paketë ligjore për dekomunistizimin e shoqërisë. Lajmi është bërë me dije nga nënkryetari Enkelejd Alibeaj në një konferencë për mediat.
Kjo nismë e PD, vjen pas ngjarjes së djeshme, ku deputeti i PS, Bujar Çela uroi Pavarësinë e foton e diktatorit Enver Hoxha, duke e dërguar në grupin e Komisionit të Sigurisë. Alibeaj e cilësoi si urgjente dhe të nevojshme këtë paketë ligjore.
“Evokimi i figurës të diktatorit nga një ligjvënës nuk është thjeshtë shkelja e Kodit të Sjelljes, por më tepër, nevojën për të bërë një orë e më parë, urgjente dekomunistizimin e shoqërisë shqiptare. Në emër dhe të kolegëve do të kërkojmë në këshillin e etikës së parlamentit marrjen e masave ndaj deputetit, si një detyrim moral më tepër.
Ajo që unë dhe kolegët i kemi propozuar kryetari është që PD të paraqesë një paketë të plotë ligjore për dekomunistizimin e shoqërisë shqiptare. Janë bërë shumë përpjekje, por jemi prapë në këtë situatë ku nuk është arritur në një rezultat konkret.
Një paketë ligjore që do të fokusojë dekomunistizimin, shpërblimin e të dënuarve, ndëshkim,in dhe distancimin nga trashëgimia e së djeshmes janë synimet tona të kësaj pakete. Edhe mbi të gjitha për ndëshkimin në aspektin moral. Tek e fundit është prova më e gjallë, PS është pjella dhe trashëgimtarja e Partisë së Punës. Nga ngjarja e djeshme është edhe një detyrim moral dhe politik i yni,” u shpreh Alibeaj.
Per hir te se vertetes, PD ka qene 13 vite ne pushtet pas vitit 1990 dhe evokon faktin se ka qene ajo si parti opozitare qe ka rrezuar diktaturen komuniste. Vetevetiu te lind pyetja: Ku ishit per 30 vite me radhe qe nuk miratuat nje pakete per dekomunistizimin e Shqiperise?!/m.j
