Pas protestës së naftëtarëve të Ballshit ka reaguar edhe deputeti i Mallakastrës Ismet Beqiraj, i cili ishte edhe pjesë e tryezës mes përfaqësuesve të protestuesve, ministrave dhe përfaqësuesve të kompanisë IRTC që administron ARMO-n.
Deputeti socialist deklaroi se nëse nuk përmbushen kërkesat e nafëtarëve ai do të jetë në protestë së bashku me ta.
“Situata aktuale, ramë dakord për pagesën, që pagesat kompania do t’i paguajë ditën e nesërme. Edhe unë që po flas jam një nga naftarët, kam punuar me turne edhe unë. Edhe unë po të isha në vendin e tyre, këtu do isha dhe brenda ditës së nesërme nëse kompania nuk bën ekzekutimin e pagave edhe unë si përfaqësues i popullit do jem mes tyre”, u shpreh deputeti i PS, Ismet Beqiraj i cili në të shkuarën ka punuar në uzinën e Ballshit nga nivelet e ulta, deri edhe drejtor i saj, kur ndërmarrja ishte ende shtetërore./a.m.
