Ka nisur tashmë seanca plenare në kuvend dhe nga foltorja, deputeti i PS-së Artan Gaçi ka shfaqur “shqetësimin” e tij për mungesën e ish kryeministrit Berisha. Gaçi ka ironizuar në fjalën e tij mungesën e Berishës, duke thënë se “pa të nuk shtyhet”, pasi opozita vetëm opozitë që nuk bën.
“Prej tre javësh Berisha mungon në Kuvend, nuk shtyhet më pa të, është bërë rutinë”- ka theksuar Gaçi.
Por nuk ka munguar reagimi i Palokës, i cili ka “uruar” deputetin socialist për leximin e rrjedhshëm të fjalimit, që sipas tij ja ka shkruar kryeministri.
“Doja vetëm ta uroja zotin Gace që sot arriti të lexojë rrjedhshëm fjalën e kryetarit të vet Edi Rama, i cili mesa duket është detyruar tja përgatisë, pas dy fjalimve të fundit ku gaboi ideologjikisht.
Mund ti vëmë në peshore të gjithë ata që drejtojnë PD-në dhe PS-në. Zoti Rama këto fjalimet e dobëta nuk ka nevojë tja shpërndajë deputetëve. Të vijë këtu dhe të flasë vetë.”- tha Paloka./java/a.k
