Sekuestrimi i 3.4 milionë eurove të dielën në Durrës në dy makina të ardhura nga Gjermania është kthyer në kryefjalë të ditës në Shqipëri. Ish-drejtori i Parandalimit të Pastrimit të Parave, Alket Hyseni, sot deputet i PS ishte i ftuar në studion e Report Tv. Ai u shpreh se grupet kriminale në vende të ndryshme në Europë tentojnë që të pastrojnë paratë në Shqipëri përmes investimeve dhe blerjes së pronave të paluajtshme, por vitet e fundit ka pasur disa goditje.
“Kjo është skemë e mirëfilltë e grupeve kriminale. Janë monitoruar disa grupe kriminale në Angli, por edhe në vende të tjera, ndërsa përpiqen që të pastrojnë paratë në Shqipëri. Në katër vite janë bllokuar aseste kriminale 10 herë më shumë. Institucioni që kam drejtuar, më pak se 8 muaj ka pasur rezultatet shumë të mirë, ka qenë bllokuar 36 mln euro asete, katër herë më shumë nga krijim i këtij institucioni” tha Alket Hyseni
Po ku do të shkojnë 3.4 mln eurot e sekuestruara nëse në fund të procesit do të vërtetohet se janë nga bota a krimit?
“Ato përbëjnë elementin e provës, do të mbahen të sekuestruara, në fund do të konfiskohen dhe do të kalojnë për të mira publike. Asetet vihen pastaj në dispozicion të nevojave publike, mund të përdoren për bërjen e rrugëve, ujësjellësave apo veprave të tjera” tha Alket Hyseni
Deputeti i PS, Hyseni kërkoni që Basha të hetohet dhe dënohet për dekonspirimin e operacionit të sekuestrimit të shumës rekord. Sipas tij, deklarata e Bashës është kriminale, ndërsa personat e përfshirë janë patriotë të liderit të PD. Gjithashtu, Hyseni akuzoi se informacioni doli nga SHISH, pasi institucioni është kthyer në një çerdhe militantësh.
“Ka elementë të sabotimit të kësaj lufte, ndërhyrja e Bashës është e pastër kriminale, dekonspiroi operacionin e partnerëve me strukturat shqiptare. Ka njerëz të papërgjegjshëm që dekonspiruan operacionin. Autorët morën informacionin dhe u fshehën. Vënia në dijeni mund të ketë lidhje me implikimin e liderit të opozitës me këta elementë. Dy janë qëllimet; ose Basha nga sikleti që iu kap miqve të tij drejtoi gishtin diku tjetër për të humbur gjurmët, ose ngaqë nuk po i ecin për të bllokuar negociatat, tani përmes këtyre mënyrave ‘alla Babale’, por edhe me metoda të specifikuara lobimi, për të baltosur Shqipërinë. Basha duhet të japë llogari jo vetëm politikisht, por edhe penalisht. Politika të mbyllë gojën. Personat e involvuar janë patriotë të zotit Basha. Basha duhet të marrë një ‘shpullë’ të mirë ligjore, më tepër se thirrja në prokurori. ‘Shpullë’ është kur gjykata të jep dënimin e merituar dhe të zërë mend, apo Berisha. SHISH ishte kthyer në një çerdhe të militantëve, aty ka filluar reforma, presim që të thellohet dhe të nxjerrë jashtë militantët e cdo krahu, të shkojnë profesionistë. Problem janë militantët e Bashës në disa institucione që nxjerrin informacionet. Ne punojmë ata janë si gjinkalla, që gumëzhijnë dhe këndojnë gjithë ditën”, tha Hyseni
a.ç
