Deputeti i Partisë Demokratike, Kreshnik Çollaku është shprehur se ndihej i fyer për mënyrën e ftesës dhe organizimit të tryezës së djeshme midis deputetëve të opozitës.
I ftuar në News24, Çollaku i cili është pozicionuar qartë krah Lulzim Bashës tha se u njoftua me një mesazh shumë pak kohë para mbledhjes, dhe sipas tij, ky ishte një akt më shumë se për të bashkuar, për të vënë në pozitë pjesën tjetër të deputetëve.
“Nuk vajta. Madje u ndjeva i fyer nga mënyra e lajmërimit. M’u duk si një veprim sa për të vënë në pozitë të vështirë, pjesën tjetër, se sa realisht për të kontribuar në një ide.
Paragjykimi që unë kam, është se kjo lëvizje shpallet për të bashkuar opozitën, në fakt vjen si rezultat i një konflikti personal midis Lulzim Bashës dhe Gaz Bardhit.
Është paragjykimi im. Në rast se do të kemi elemente të ndershëm se kjo lëvizje nuk përdoret për inat të Lulzim Bashës kundra tij, apo nuk i jepet udhë inatit të Berishës, apo Bardhit… Ne kemi një eksperiencë shumë të hidhur, të një fushate që ka tronditur dhe çarë PD, nga z.Berisha kundër Lul Bashës.
Më ngjan si një déjà vu, një luftë inati personal me Lulin, se sa një përpjekje për të kritikuar Bashën. Gazi ishte krahu i djathtë i Bashës. Shkaku i takimit të tryezës së djeshme është prapë Lulzim Basha.”/m.j
