Deputeti i PD Ervin Salianji publikon një video me anë të së cilës pretendon se vërteton që policia ka plagosur një qytetar.
Ai thotë se mbrëmë policia e shtetit ka gjuajtur me armë dhe ka plagosur qytetarin Sidian Tabaku, ku pasi e ka plagosur ka ushtruar edhe dhunë fizike.
Deputeti demokrat deklaron se, i plagosuri ndodhet në spital në shtetrrethim që policia të fshehë ngjarjen.
Madje pretendon se as familjarët dhe askush tjetër nuk lejohet që të takojë qytetarin.
“Ministria e Brendshme duhet të marrë masat për të bërë transparencë për ngjarjen dhe të kujdeset për shëndetin e të dëmtuarit. Çfarëdo lloj dhune dhe kërcënimi ti bëjnë ky nuk do të jetë një Xhisiela 2”, shkruan Salianji.
