Deputeti i Lidhjes Demokratike të Kosovës, Armend Zemaj ka thënë se fajdetë në vend janë shndërruar në një biznes të pistë dhe zhvatje për qytetarët e Kosovës. Deputeti i LDK-së apeloi organet përgjegjëse të godasin personat e haraçit, përcjellë zeri.info. “Kemi pas vrasje, dhunime dhe shkatërrime nga ky fenomen i cili është i mbështetur edhe nga organet e sigurisë ky fenomen. Qoftë në aspektin e dhënies por edhe të ruajtjes së tyre. E ftojë Policinë e Kosovës, Ministrin e Punëve të Brendshme (Skender Hyseni) që në një operacion në nivel vendi të godasë në mënyrë ligjore të gjithë ata që po zhvatin bizneset dhe të tjerët”, ka thënë ai. Zemaj beson se kjo çështje do të ngrihet në nivel më serioz, jo vetëm në aspektin lokal.
“Fajdexhit kanë lulëzuar në gjithë territorin e Kosovës. Sidomos në komunat, Decan, Junik dhe Gjakovë. Bizneset nuk po munden të veprojnë punën e tyre”, ka theksuar ai.
