Në një reagim në rrjetet sociale, Raporteri i Parlamentit Europian për Shqipërinë nga grupi parlamentar i PPE-së, David Lega, ka reaguar në lidhje paketën “anti-shpifje” duke thënë se nëse Parlamenti e miraton një gjë të tillë atëherë Shqipëria rrezikon të kompromentojë kryesimin e OSBE-së.
Por jo vetëm kaq, pasi në shkrimin e tij, Lega shkruan se nëse projekt ligji do të kalojë në Kuvend do të vihej në mëdyshje edhe anëtarësimi i Shqipërisë në Bashkimin Evropian. Ndër të tjera, David Lega shkruan se Partia Demokratike e Shqipërisë ka mbështetje në rezistencën e saj kundër këtij projekt-ligji.
“Nëse Parlamenti shqiptar miraton ligjet e reja për median, ai vë në rrezik kryesimin nga Shqipëria të OSBE-së. Gjithashtu, ky vendim do të komplikojë negociatat për anëtarësimin në Bashkimin Europian. Për këtë arsye, rezistenca e fortë nga Partia Demokratike është e mirëpritur”, shkruan ai. /e.s/
