Deputeti i PS, Ervin Bushati ka patur një takim me presidentin e PACE, Michele Nicoleti ku kanë diskutuar për rolin e rëndësishëm të KiE dhe Asambleja për promovimin e standardeve demokratike në vendin tonë.
Nëpërmjet një statusi në Facebook, Bushati thekson, ne shqiptarët jemi europianë, meritojmë të jemi në Europë sepse ndajmë vlerat evropiane.
“Diskutuam për zgjedhjet demokratike të 2017, Reformën në Drejtësi dhe stabilitetin politik të një qeverie që nuk ka presione koalicionesh politike për të kompromentuar shpejtësinë dhe thellësinë e Reformës në Drejtësi”, shkruan Bushati.
Statusi në facebook i Ervin Bushatit
1 SHTET & 1 HAP NË BASHKIMIN EUROPIAN: PËR INTEGRIMIN BASHKË ME OPOZITËN!
Delegacioni shqiptar, u prit në një takim të veçantë nga Presidenti PACE i sapozgjedhur Z. Michele Nicoletti, (deputet italian i Grupit Socialist) të cilin e përgëzova; dhe garantova në detyrën e tij me mbështetjen e gjithë faktorit shqiptar në Këshillin e Europës.
Gjatë takimit, diskutuam mbi rolin e rëndësishëm që ka luajtur dhe vijon të luajë KiE edhe Asambleja, si pjesë e saj, në drejtim të promovimit e forcimit të standardeve demokratike në vendin tonë, dhe më gjerë në rajon. Në këtë kontekst, u nënvizua, kontributi i KiE për përmbushjen e rekomandimeve në kuadër të procesit të integrimit evropian të vendit, dhe rritjes së paqes dhe sigurisë në rajon.
NE Shqiptarët … jemi Europianë: Meritojmë të jemi në Evropë sepse ndajmë vlerat europiane.
Po ashtu, diskutuam për zgjedhjet demokratike të 2017, Reformën në Drejtësi dhe stabilitetin politik të një qeverie që nuk kur presione koalicionesh politike për të kompromentuar shpejtësinë dhe thellësinë e Reformës në Drejtësi.
Gjithashtu, u trajtua mbështetja e Kosovës, për afrimin e mëtejshëm të saj me KiE-në, në funksion të vendosjes së një dialogu konstruktiv me delegacionin e Kosovës në Asamble. Angazhimi i Kosovës me Asamblenë do të kontribuojë në drejtim të forcimit të standardeve demokratike në vend, dhe forcimit të paqes dhe sigurisë në rajon.
Është në interesin e të gjithë palëve, një rajon Ballkanik në paqe, demokraci dhe prosperitet: Ndaj dhe angazhimi politik nga EU dhe integrimi ynë ne Europë jane procese kapitale që ndihmojnë këdo në Ballkan por dhe Europë.
Në përfundim të takimit, në emër të Kryetarit të Kuvendit të Shqipërisë pata kënaqësinë të ftoj zyrtarisht mikun tonë, Presidentin Nicoletti për një vizitë zyrtare në vendin tonë – ftesë e cila u pranua me kënaqësi. /ma.me
