Mëngjesin e sotëm ka nisur punën Komisioni i Ligjeve ku do të shqyrtohet projektligji për dosjet e ish-Sigurimit të Shtetit.
Gjatë kësaj mbledhje do të diskutohet lidhur me propozimin për kalimin nga Drejtoria e Sigurimit të Informacionit të Klasifikuar, në krijimin e AKSIK: Autoritetit Kombëtarë të Sigurimit të Informacionit të Klasifikuar.
Gjatë fjalës së saj deputetja e Partisë Demokratike Dhurata Çupi tha se emërimi i kreut të autoritetit, drejtorisë në këtë rast është me vendim të Kryeministrit dhe ka një konflikt, ndërsa Gazment Bardhi u shpreh se çdo deputet ka të drejtën për diskutim, pasi për atë janë mbledhur.
“Çdo deputet ka të drejtën të bëjë diskutim për çdo nen. Bëka njëri propozim dhe në të tjerët të shohim njëri-tjetrin sa bukur jemi veshur”, tha ai.
Pjesë nga diskutimet në Komision:
Felaj: Ka pak ndryshime, nga projekt ligji origjinal i sjell bënë Kuvend. Ndryshimet janë edhe sipas kërkesës ndryshimeve të kërkuara nga Partia Demokratike…
Çupi: Duke qenë se është një autoritet, siç po e përkufizoni tanimë, është i pavarur, ndërsa emërimi i drejtuesit është nga Këshilli i Ministrave, a mos ka një konflikt në këtë mes?
Felaj: Pavarësinë dhe autonominë ta jep ligji, jo fjala në vetë vete, nëse dëshironi ju e ka funksion ekskluziv zbatimin e politikave të standardit të sigurisë për dokumentet e klasifikuar. Pavarësinë dhe autonominë ta jep ligji, jo fjala në vetë vete, nëse dëshironi ju e ka funksion ekskluziv zbatimin e politikave të standardit të sigurisë për dokumentet e klasifikuar…Ne besojmë se ky ndryshim e ndihmon institucionin në zbatueshmërinë e efikas të ligjit…
Çupi: Nëse e bëjmë autoritet, duhet që ligji ti japi të gjithë autoritetit… Skam kundërshtim me fjalën autoritet, por duhet të jemi konçiz, kur themi autoritet, themi pavarësi.
Felaj: Nuk prekim funksionet e institucionet, kemi pranuar propozimet e institucionit, thjesht I japim emër të ri.
Bushka: Ndryshimi pra po vjen për shkak të adaptimit me ligjin, jo organik e funksional.
Alibeaj: Qetësohu, unë arsyetimin e kam për ta kuptuar kushdo. në pikën dy në fund të fjalisë të shtohet, “Pa cënuar të drejtat”.
/a.r
