Deputetët e Komisionit për punë të jashtme kanë kërkuar transparencë dhe llogaridhënie për Marrëveshjen për rivitalizimin e urës në Mitrovicë, që është arritur në Bruksel ndërmjet Kosovës dhe Serbisë.
Ata kanë deklaruar se nuk i kanë parë as Marrëveshjen e as projektin arkitekturor me të cilin do të rivitalizohej ura, shkruan Koha Ditore.
Anëtarët e Komisionit nga radhët e opozitës kanë kërkuar pezullim të dialogut deri në sqarimin e kësaj çështjeje.
Sipas tyre, për ndërtimin e murit nga serbët e veriut do të duhej të diskutohej në Kuvend. Kanë përmendur interpelancë me kryeministrin Isa Mustafa dhe seancë të jashtëzakonshme. (b.an)
