Deputetët Nik Gjeloshaj dhe Genci Nimanbegu kanë dorëzuar në Parlamentin e Malit të Zi Propozimin e rezolutës me të cilën, përveç tjerash, kërkohet nga CANU që të tërheqë Fjalorin e gjuhës popullore dhe letrare malazeze, ndërsa Qeveria detyrohet që të financojë botimin e korrigjimit, transmeton ul-info.
Në Propozimin e rezolutës thuhet se përfaqësuesit e qytetarëve dhe popujve në Kuvendin e Malit të Zi vlerësojnë si të papërshtatshëm pjesët e Fjalorit, të cilët kanë të bëjnë me kualifikime ofenduese për shqiptarët, boshnjakët dhe përfaqësuesit e fesë islame.
Ata ftojnë Qeverinë që nëse në afat të arsyeshëm, prej ditës së miratimit të rezolutës, AMSHA nuk e tërheq Fjalorin, ajo të suspendojë përkohësisht financimin e këtij institucion deri në tërheqjen përfundimtare të ekzemplarit të fundit të fjalorit ofendues.
Në arsyetimin e propozimit vlerësohet se shpjegimi i disa fjalëve në Fjalor, sidomos të atyre që kanë të bëjnë me shqiptarët dhe përfaqësuesit e fesë islame, është joprofesional, joshkencor dhe i papranueshëm, jo vetëm për përfaqësuesit e këtyre grupimeve nacionale dhe fetare, por edhe për realitetin shtetëror malazez, i cili duhet të mbështetet në këto fjalë. Propozuesit e rezolutës i vlerësojnë si ofenduese “përsëritjet këmbëngulëse të shumicës së anëtarëve të Këshillit, si dhe të disa anëtarëve të tjerë të AMSHA, që në këtë projekt nuk kishte dashakeqësi”, referon Express. (b.an)
