Disa deputetë të Partisë Demokratike raportohet të kenë zhvilluar një takim ‘blic’ në zyrën e ish-kreut Sali Berisha. Lajmi mësohet nga e përditshmja ‘Sot’ sipas së cilës, ‘garda e vjetër’ ka trokitur te Berisha për të kërkuar kthimin e tij në krye të PD me arsyetimin se Basha nuk mund t’i sjellë në pushtet me opozitën e tij të vakët.
Propozimi mësohet se është përcjellë me nënqeshje nga ish-kryetari Berisha, ndërsa ‘Sot’ shkruan se dy kandidatë potencialë për ta zëvdenësuar Bashën janë edhe Jozefina Topalli apo Eduart Selami. Të dy këta emra kanë qenë kritikë me Lulzim Bashën, ndërsa mësohet se ata kanë si konkurrent edhe Jamarbër Malltezin.
Dhëndërri i Sali Berishës e ka shprehur hapur ambicien e tij për të ngjitur shkallët e karrierës në Selinë Blu, edhe pse zgjedhja e tij në krye të PD-së duket si një ‘çapë’ që nuk mund të gëlltitet lehtë nga baza.
