Fatura 1 milionë dollarë e PD për lobim me firmën e Bashës ka qenë tema kryesore ku janë ndalur deputetët e PS. Fillimisht ishte Taulant Balla që i kërkoi Bashës të deklarojë burimin e parave që i përdori për të nxirë Shqipërinë, duke paralajmëruar edhe kallëzim penal. Balla deklaroi se SHBA do nisë hetim ndaj Bashës.
“Fondi është krijuar në një ishull offshore për të fshehur gjurmët që të çojnë tek Basha. Jemi në kushtet e disa veprave të rënda penale që bien drejtpërdrejt mbi Bashën. Kjo është skema më e pastër e pastrimit të parave“, tha Balla
Në të njëjtën linje ishin edhe Elisa Spiropali dhe Eduard Shalsi.
Spiropali akuzoi kryetarin e PD Basha se nuk përgjigjet për asgjë edhe kur kapet me fakte në aferën 1 mln USD.
“Basha për t’u mbrojtur akuzoi. Ai nuk do të mbajë përgjegjësi as për ato që thotë dhe as për ato që bën edhe kur kapet edhe në flagrancë. Përse nuk përgjigjesh për asgjë? Përse nuk i bëre veprimet në numrin e llogarisë së PD, por nëpërmjet një zone off- share në Amerikën Latine? Nuk ke këllqe për t’u përgjigjur për asgjë. Bërtet për dekriminalizimin, por mbron me votë të inkriminuarit. Flisni për drejtësinë ndërkohë që jeni bërë strehë për të inkrimunuarit”, deklaroi Spiropali.
Edhe deputeti i PS, Eduart Shalsi, njësoj si kolegët ka pyetur Bashën mbi burimin e parave dhe transaksionin.
“PD nuk e kishit seriozisht betejën e dekriminalizimit. E treguat me rastin e kryebashkiakut të Mallakastrës. Si mund të flasin Basha dhe Noka për kanabisin, kur ishin ministra u lulëzonte para syve. Ishit ju që e lejuat në Lazarat.Ku i gjetët 1 milionë dollarë për lobim? Nuk keni asnjë lloj përgjegjshmërie, shpjegoni transaksionin dhe burimin”, tha Shalsi.
javanews/a.ç
