Dikush brenda grupit të PS e ka quajtur “dita e Berishës dhe Blushit”. Në fakt ka më shumë se kaq. Sot nis seanca plenare e zakonshme e Kuvendit të Shqipërisë. Ose më saktë, seanca e sherreve, akuzave, sharjeve dhe qyfyreve të tjera. Një ambasador i huaj i rëndësishëm në Tiranë, i pyetur nga JAVA sesi i përjeton seancat e parlamentit në ditët e enjte, u përgjigj shkurt se nuk i sheh, pasi është i kujdesshëm për shëndetin e tij.
Formalisht sot në parlament do të shqyrtohen disa marrëveshje, që lidhen me projekte në infrastrukturë, si dhe do të miratohen disa projektrezoluta. Në Kuvend do të bëhet gjithashtu betimi i deputetëve që zëvendësojnë deputetët që kandiduan në zgjedhjet lokale.
