Deputetja Rudina Hajdari në emisionin “Opinion” ka deklaruar se mazhoranca do përballet me opozitën parlamentare lidhur me votimin e Reformës Zgjedhore. Ajo thekosi se deputetët e opozitës së re do të tregojnë veten dhe të mos votojnë këtë reformë. Sipas saj, kjo reformë nuk do të votohet, pasi nuk pati konsensus për ndryshimin e sistemit zgjedhor.
“Ata deputetët janë ata që e kanë vuajtur këtë pjesë sepse duhet të merren me këta njerëz që i kanë quajtur tradhtarë për dy vite e gjysmë dhe tani është momenti i duhur të tregojnë veten dhe të tregojnë që nuk kanë për ta votuar këtë marrëveshje. Opozita parlamentare ka kërkuar ndryshimin e sistemit. Ndryshimi i sistemit zgjedhor nuk ka patur konsensus. Sot mazhoranca duhet të përballet me diçka tjetër dhe do të përballet me ata individë që janë në parlament . Ju keni parë ata deputetë këto kohë dhe do të jenë shumë rezistues deri në momentin e fundit dhe do të shohim se çfarë do të bëjmë”, u shpreh Hajdari.
Më tej ajo tregoi arsyet pse e votoi këtë reformë. “Ju thashë në momentin e parë, arsyeja që e votova pro ishte: E para sepse nuk doja të isha bllokuese për integrimin në BE. E dyta sepse vërtetova që opozita jashtëparlamentare ishte në një rrugë të gabuar dhe erdhën drejt rrugës sime dhe erdhën pikërisht në atë tryezë që i vërtetoi që deri më sot, qëndrimi jashtë sistemit dhe garantimi për të shkuar në zgjedhjet e ardhsme, kjo është një gjë për t’u përshëndetur.”, tha Hajdari.
g.kosovari
