Si rrallë herë ndodh që në profilin e Edi Ramës të komentojnë deputetë dhe ish deputetë të forcave të ndryshme politike në lidhje me postimet që bën.
Por sot në kuadër të postimit të një statusi ku Rama ka marrë nga presidenti i Francës titullin e Lartë “Komandant i Legjionit të Nderit”, kryeministri shqiptar ka marrë edhe këshilla por dhe lavdërime nga të majtët.
“I prekur thellë nga nderimi i Presidentit të Republikës Franceze, që më akordoi titullin e lartë të Komandantit të Legjionit të Nderit! Ky është një titull që i’a kushtoj Shqipërisë; gruas, nënës, fëmijëve dhe të gjithë bashkëpunëtorëve e mbështetësve, të njohur e të panjohur, brenda a jashtë vendit. Vetëm besimi e mbështetja e tyre, më kanë mundësuar të bëj çfarë kam mundur, në gjithë këto vite përpjekjesh të pandërprera për të ndryshuar Tiranën, bërë Shqipërinë shtet me dinjitet dhe përmirësuar jetën e njerëzve të zakonshëm të këtij vendi. Faleminderit Francë”, shkruan Rama. I pari që ka komentuar është ish deputeti i LSI-së për qarkun e vlorës, Shkëlqim Selami.
“Urimet me te mira per kete titull te lart dhe te merituar! Nuk kam hallin tend se nuk te bejne shume përshtypje titujt, po kam hallin e Hienave qe do i lesh pa gjume hahaaaa”, i komenton Selami.
Ndërkohë që po deputet në qarkun e Vlorës, këtë herë nga PS-ja, Fatmir Toçi e ka konsideruar si titullin më të lartë dhe të merituar atë të cilin mori sot kryeministri shqiptar në Francë.
“Kur të nderon Franca shumëkush duhet të heshtë dhe të reflektojë… Ky është një nderim që pak shqiptarëve u është akorduar që nga koha e Napoleonit që e krijoi këtë titull të lartë, një vlerësim që i bëhet gjithë kombit shqiptar në këtë prag integrimi…”, i komenton Toçi kreut të partisë ku ai është pjesë.
a.ç
