Kreu i Partisë Demokratike, Lulzim Basha, të enjten në studion e emisionit “Opinion”, është pyetur në lidhje me reagimin e dy ambasadorëve, respektivisht ambasadori amerikan, Donald Lu dhe ambasadorja e BE-së, Romana Vlahutin për protestën e opozitës në Kuvend.
Basha u shpreh se nuk komenton reagimet e deklaratave të huaja, pasi nuk ishte detyra e tij për t’i komentuar ato.
Kryedemokrati theksoi se një vend ka institucione dhe Kushtetutë, ku ekzistenca e tyre duhet të respektohet.
“Nëse ne do të themi se këto i kemi për shfaqje, por ne do të bëjmë se çfarë thonë ambasadorët, të paktën të jemi të nderëshëm me njëri-tjetrin”,-deklaroi Basha. /b.d
