Dentistja durrsake mashtroi me 2 milionë €, por ajo s’ka ‘kokërr’ leku në banka

Pasi mashtroi disa shtetas me shuma të konsiderueshme parash në vlerën e afro 2 milionë euro, Gjykata e Durrësit ka vendosur edhe sekuestro mbi pasuritë e Olesia Dukës, dentistes nën akuzë për mashtrim me pasoja të rënda. Report Tv ka siguruar materialin e depozituar në gjykatën ku prokuroria deklaron se “rrezikshmëria e veprës penale dhe autorit, duke qenë se pronat janë të lira mund të tjetërsohen me anë të transaksioneve të shit-blerjes”. Pasuritë e sekuestruara deri më tani për llogari të hetimit të nisura ndaj Olesia Dukës janë: Apartament në tiranë zona kadastrale 8380, Apartament në Tiranë zona kadastrale 8310, Apartament në lagjen numër 13 në zonën e plazhit në Durrës, apartament i ndodhur në tiranë në zonën kadastrale 5292.

 

Ndërkohë nga hetimet e akuzës së Durrësit dhe pse qarkullonte shuma të konsiderueshme parash dhe valute, në llogaritë bankare të Olesia Dukës dhe aktivitetit të saj tregtar klinik dentare dhe Shëndeti Sh.p.k nuk është gjetur asnjë vlerë monetare. Olesia Duka u prangos më 25 shkurt 2018 nën operacionin e koduar “Zirkon” ndërsa prej atij momneti në policinë e shtetit dhe prokurorinë e Durrësit janë paraqitur mbi 10 pesona të cilët kanë bërë kallëzim penal ndaj dentists, mes të mashturarve rezulton se është dhe ish shoferi i saj.

Në sitën e akuzës po kalon dhe aktivitetit tregtarë i Olesia Dukës të cilin rezulton se ajo e ka krijuar zyrtarisht më 12 Janar 2017 me emrin Shendident, fillimisht me ortak dhe Fatbradha Dukën, por më pas ajo është bërë aksionere e vetme.

Më 15 Mars 2018 Gjykata e Apelit në Durrës do të shqyrtoj kërkesën e Dukës për zëvëndësimin e masës së sigurisë arrest me burg vendosur ndaj saj, ndërsa për Prokurorinë e cila kryen hetimet ende nuk ka asnjë gjurmë ku kanë shkuar mbi 2 milion euro të marra nga Olesia Duka tek shtetas të ndryshëm.

ma.me