Kandidatja për rektore e universitetit shtetëror të Tiranës, Klodeta Dibra, deklaron se situata financiare në universitet është katastrofike dhe se një nga prioritete e para nëse zgjidhet rektore do të jetë pikërisht menaxhimi i financave.
E ftuar në emisonin “Debati në Channel One” të gazetarit Roland Qafoku përballë një paneli me pedagogë dhe gazetarë, Dibra bëri pubklikë një skandal teksa tha se është arritur deri aty se pagesat e studentëve që bëjnë për vitin mësimor të përdoren për dhënien e rrogave të pedagogëve. “Kjo është e papranueshme dhe shkelje e rëndë e rregullave dhe ligjeve në fuqi”, shtoi Dibra. Dibra publikoi projektin e saj për garën për rekotore përballë kandidatit tjetër Mynyr Koni duke shtuar se e ka kundërshtuar ligjin e ri për arsimin e lartë duke bërë vërejtjet përkatëse e mbështetur edhe nga pedagogë të ndryshëm duke synuiar një universitet më cilësor, më moder dhe të ruajë nivelin akademik dhe inteletual më të mirin në vend.
Klodeta Dibra dhe Mynyr Koni do të votohen më 20 prill nga afro 800 pedagogë në të gjithë universitetin shetëror të Tiranës dhe shumica e studentëve që frekuentojnë këtë universitet por që kanë të drejtë vetëm 10 përqind të votës finale. Nëse zgjidhet, Klodeta Dibra do të jetë e para rektore femër në historinë e universitetit shtetëror të Tiranës. Rektori i parë në themelimin e këtij universiteti në vitin 1957 ka qenë Kareman Ylli.
