Një person është shpallur i zhdukur ndërsa dyshimet janë se ai është mbytur në lumin “Valbona”. Bëhet fjalë për 35-vjeçarin me inicialet G.Z. i cili humbi gjurmët mesditën e së shtunës në fshatin Valbonë afër ish-turizmit të Valbonës.
Ai ishte punonjës i firmës së mirëmbajtjes së rrugës. Duke punuar në breg të lumit Valbonë, gjatë pushimit të drekës, ka shkuar për të mbushur ujë në afërsi të lumit dhe nuk është kthyer më.
Por një person ka denoncuar në një prej mediave online duke hedhur dyshimet se ai i dha fund jetës pasi iu dogj banesa në Tropojë dhe shteti nuk i erdhi në ndihmë.
Denoncimi:
Pershendetje” JOQ.al”. Une banoj tek ky pallati dhe nuk jam prekur nga zjarri pasi jemi ne katin e pare ndonëse pesuam dhe ne ca demtime. Por 3 familjeve ju eshte djegur shtepia dhe nuk u ka mgelur asgje brenda. Nuk ka gjë me të keqe se shohësh duke qare kryefamiljarin e njeres familje aty qe thoshte se sapo kishe marre rrogen prej 350 mij lekesh te vjetra dhe dhe ato i ishin djegur, Ndërkohë Kryetari jone i bashkise i cili ndodhet në Tiranë, as ka levizur fare madje vtm u ka thene “merrni me qera shtepi dhe bashkia ua paguan 5 muaj”. Sipas këtij qytetari askush nga autoritet e Tropojës nuk kanë dalë të kërkojnë për trupin e Gentit, deri në orët e vona të pasdites.
Njoftimi i policisë:
Tropojë.
Informacion paraprak.
Më datë 16.12.2017, rreth orës 12.50, në Sallën operative të Komisariatit të Policisë Tropojë ka ardhur një telefonatë se në fshatin Valbonë afër ish-turizmit të Valbonës dyshohet të jetë mbytur në lumë shtetasi G.Z.
Në vendgjarje ka shkuar grupi hetimor, ku nga hetimet paraprake rezulton se shtetasi G.Z., 35 vjeç, banues në Tropojë, punëtor i firmës së mirëmbajtjes së rrugës, duke punuar në breg të lumit Valbonë, gjatë pushimit të drekës, ka shkuar për të mbushur ujë në afërsi të lumit dhe nuk është kthyer më.
Në afërsi të burimit, është gjetur jeleku i punës që mbante veshur ky shtetas. Shtetasi G.Z, dyshohet të ketë rënë në lumë. Nga forcat e Policës në bashkëpunim me banorët e fshatit, kanë vijuar kërkimet për gjetjen e tij, nga ora 13:30 deri në orën 17:30, ku për shkak të errësirës, janë ndërprerë kërkimet për ti rifilluar në orët e para të mëngjesit.
