Një shtetas shqiptar i përfshirë në trafik dhe shitje kokaine, si dhe i dëbuar tre herë nga Britania e Madhe si emigrant ilegal, është denuar me 16 vite burg.
Bëhet fjalë për shqiptarin Ardit Hoxha, i cilësuar nga policia si një person tejet i dhunshëm, i cili goditi dy persona, mes të cilave një femër, me një tullë, thikë dhe çekiç, pasi dyshonte se ata i kishin vjedhur drogën në ambientet ku ai e fshihte.
Madje ai i zveshi ata lakuriq, pasi mendonte se ia fshihnin drogën në trup.
Viktima femër i tha policisë se Ardit Hoxha i futi një lugë brenda në organin gjenital, duke e kontrolluar për fshehje të drogës.
Nga ana e tij Prokurori i tha gjykatës se Hoxha ushtroi dhunë ndaj këtyre dy personave per t’iu “dhënë një leksion” për drogën e humbur.
Sipas gazetës “Ëales Online”, Hoxha, i cili banonte në qytetin e Kardifit, është dënuar me 7 vjet për dhunën e ushtruar dhe 9 vjet për shitje kokaine.
