Hosein Ferejdun, vëllai i presidentit iranian, Hasan Rohani u dënua me pesë vite burg, në përfundim të një procesi për korrupsion, bënë të ditur burime zyrtare.
“Përsa i përket Hosein Ferejdunit, dënimi me shtatë vite burg, në gjykatën e shkallës së parë, u reduktua në pesë vjet”, tha Gholamhossein Esmaili, zëdhënës i Autoritetit Gjyqësor iranian, gjatë një konference për shtyp.
“Ky është një aktgjykim i formës së prerë kundër të cilit nuk ka më ndonjë apel të mundshëm”, vazhdoi ai, pa specifikuar nëse Ferejduni ishte burgosur apo ishte ende i lirë.
Vëlla dhe këshilltar i rëndësishëm i Rohanit, Ferejdun u arrestua në korrik të vitit 2017, pasi emri i tij u përmend në shumë afera korruptive.
/a.r
