Mediat britanike shkruajnë se 16 anëtar të një bande që akuzohen si pronarë të sasisë më të madhe të kokainës së kapur në Britaninë e Madhe kanë dalë para gjykatës dhe janë dënuar me 117 vite burg në total.
Në radhët e tyre janë edhe dy shqiptarët Taulant Paja 22 vjeç dhe Islam Grana 27 vjeç, të cilët do të qëndrojnë në burg përkatësisht 6 dhe 7 vjet.
Banda në fjalë, u shkatërrua nga policia britanike pas një hetimi 14-mujor si dhe me detektivë sekret që u futën në rrjetin e krimit të organizuar të udhëhequr nga Jamie Oldroyd.
Pas mbledhjes së informacioneve policia britanike arriti që të sekuestronte atë që mediat britanike e quajnë sasinë më të madhe të kokainës më një cilësi të pastër në Britani. E gjithë droga përllogaritej që të kapte vlerën e 20 milion paundëve./l.m
