Një deklaratë bombë ka ardhur nga njëri prej tre vëllezërve shqiptarë të dënuar me burgim të përjetshëm në SHBA, për tentativë të sulmit terrorist ndaj një bazë ushtarake në Fort Diks në vitin 2008.
Dritan, Shahin dhe Elvir Duka janë dënuar me burgim të përjetshëm për terrorizëm dhe vrasje të anëtarëve të ushtrisë amerikane.
Mirëpo, njëri nga vëllezërit, Dritan Duka ka deklaruar se avokati i tyre kurrë nuk ua dha mundësinë që të dëshmonin vetë në gjyq.
Ai akuzon avokatin dhe autoritetet amerikane se kanë përdorur një bisedë të përgjuar pa dijeninë e tyre dhe aspak serioze mes vëllezërve dhe një informatori të FBI-së.
Sipas tyre, biseda e përgjuar është farsë. Dritani, raportojnë mediat në SHBA, ka hedhur akuza të rënda ndaj avokatit dhe autoriteteve të drejtësisë amerikane.
Ai tha se avokati i kishte këshilluar të mos deklaronin asgjë në gjyq, pasi nuk ishin gati. Dritani i bëri deklaratat në një seancë apeli për dënimin që ka marrë, por autoritetet ia hodhën poshtë, kështu ai do të vuajë dënimin me burgim të përjetshëm si dy vëllezërit e tjerë.
Tre vëllezërit u arrestuan në vitin 2008 për ngjarjen në fjalë. Ata ishin të përfshirë në një aferë të trafikut të armëve, të cilat më pas do të përdoreshin për sulm terrorist ndaj një baze ushtarake amerikane.
Tre vëllezërit Duka mbërritën në SHBA që kur ishin fëmijë në mënyrë ilegale. Autoritetet amerikane kanë zbuluar se ata merreshin me tregti armësh dhe ndiqnin video me përmbajtje ekstremiste fetare.
