Peshëngritësi, Pirro Dhima, ka reaguar lidhur me vendimin e Gjykatës për të dënuar me 2 vite burg kryebashkiakun e zgjedhur të Himarës, Fredi Belerin.
Në një postim në “Instagram”, Dhima shkruan se Beleri u dënua në një gjyq simulues, pa prova, pa dëshmitarë dhe pa komunikim me avokatin e tij.
Ai shprehet se regjimi i Ramës konfirmoi edhe një herë se shteti ligjor nuk ekziston në Shqipëri.
Postimi i peshëngritësit, Pirro Dhima:
Vendimi i paravendosur dhe i padrejtë i dënimit ndaj kryebashkiakut të zgjedhur të Himarës, Fredi Belerit dhe Pandeli Kokaveshit nga regjimi i Ramës na solli në kohë që duam t’i harronim.
Shkelja e himariotëve ishte se ne e zgjodhëm kryetar bashkie, gjë që bie ndesh me planet e Edi Ramës. Bashkia e Himarës pret prej 9 muajsh për betimin e kryetarit të saj Fredi Belerit, ndërsa regjimi i Ramës konfirmoi edhe një herë se shteti ligjor nuk ekziston në Shqipëri.
Shkelja e të drejtave të njeriut, parimet e shtetit ligjor personifikohen në dënimin provokues të kryebashkiakut të zgjedhur të Himarës, Fredi Belerit dhe Panteli Kokaveshit.
Është detyrë e të gjithëve ne të qëndrojmë pranë popullit tonë derisa e vërteta të shkëlqejë. Uroj dhe shpresoj që ky vendim të shkojë në Gjykatën e Apelit që drejtësia dhe e vërteta të rikthehen.
Ne do të vazhdojmë luftën tonë të drejtë me më shumë energji për të mbrojtur të drejtat e pakicës kombëtare greke derisa të vendoset shteti i së drejtës dhe të rivendosen të drejtat tona njerëzore.
Ne jemi të vendosur të vazhdojmë luftën tonë dhe nuk kemi frikë.
/f.s
