Gjykata e Tiranës ka dënuar sot këshilltarin bashkiak të PD, Akil Kraja, për akuzën e shpifjes ndaj kryebashkiakut të Tiranës, Erion Veliaj.
Vendimi u mor paraditen e sotme dhe sipas verdiktit të gjykatës, PD-ja i detyrohet t’i paguajë një dëmshpërblim moral prej 1 milion lekësh kryetarit të Bashkisë së Tiranës.
Akil Kraja ka reaguar mbas këtij vendimi, ku sipas tij ”Vendimi i Gjykatës nuk është në shërbim të interesave të qytetit”. Kraja shprehet se: ”Ai po varros ato copa të fundit të demokracisë qytetare në Tiranë. Është një vendim i cili i jep të drejtë propagandës në pushtet dhe dënon, duke konsideruar si shpifje debatin, mbrojtjen e interesit të qytetarëve. Të mbrosh interesin e qytetarëve, rritjen abuzive të çmimit të ujit me 40% për banorët e Tiranës, sot përbën shpifje. Pra ky është realiteti”, u shpreh ai.
/b.d
